पुणे प्रवाह न्युज पोर्टल
. . *जेव्हा* . .
,आणि पहातो शाळेत जाणारी बालके . . .
जेव्हा आठवतो लपंडाव, रुमालपाणी ,कागदी नाव आणि सापशिडी . ..
जेव्हा ऑनलाईनच्या युगात आठवते, आयूष्यातील पहिली कमाई, आणि जमाखर्चाची स्वप्ने . .
जेव्हा पहातो मंगलकार्यातून, फुलांनी सजवलेल्या गाडीतून, देवदर्शनाला जाणारे नवदाम्पत्य . . .
जेव्हा रांगणारे, हसणारे, रडणारे मूल,फुलपाखराच्या पंखासारखे हात पसरून, नजरेनेच मला घ्या . . म्हणते ! . . .
जेव्हा माणसांनी गजबजलेल्या चाळी आणि वाड्यांच्या जागी, टाऊनशीप उभ्या रहातात आणि गेटवर आल्या गेल्यांची नोंद होते . . .
तेव्हा वाटते, घड्याळाचे काटे उलटे फिरवता आले तर . . .
घड्याळ जेव्हा आठवते, तेव्हा शाळेच्या मधल्या सुट्टीत जातो, हौदावर ओंजळीने पाणी पितो. . .
काळाच्या ओघात, टिकून राहिलेल्या एखाद्या चिरेबंदी वाड्यात फिरून, पाऊलखुणांचे स्मरण करतो !
प्रत्येक पगाराचा चेक, अजूनही देवासमोर ठेवतो !
देवदर्शनासाठी आलेल्या नवपरिणीतांना दुरूनच, मनोमन आशिर्वाद देतो !
संध्याकाळी दूरवरून येणारे, मंदीरातील घनगंभीर घंटानाद ऐकतो . . .
आकाशातील रंगांचा खेळ, झाडांचे बहर पानगळ, आणि समुद्राच्या उसळणा-या लाटा पहातो, तेव्हा . . .
घड्याळा ऐवजी, कालचक्राचाच विचार आता मनात येतो ! . . .
😌😌🤷🏻♂️😌😌
*आनंद सराफ*