ALL न्युज मराठी / हिंदी सिनेमा राजकारण टेक्नॉलॉजी गुन्हेगारी शिक्षण क्रीडा इव्हेंट सर्व प्रकारच्या जाहिराती संस्कृती
शेमारू मराठीबाणा’ वाहिनीवर नवरात्र स्पेशल महामूव्ही
October 12, 2020 • santosh sangvekar • मराठी / हिंदी सिनेमा

पुणे प्रवाह न्युज पोर्टल 

मुंबई :- सध्या सगळ्यांना वेध लागले आहेत ते नवरात्र उत्सवाचे. नवरात्र म्हणजे नऊ दिवस चालणारा सृजनाचा उत्सव. चैतन्य व उर्जा पुरविणारा देवीचा हा उत्सव. हा नवरात्रौत्सव अधिक मंगलमय करीत प्रेक्षकांना मनोरंजनाचा आनंददायी ठेवा देण्यासाठी ‘शेमारू मराठीबाणा’ वाहिनीने दैवी शक्तीची प्रचीती देणाऱ्या ‘कुंडमाऊली मळगंगा’ आणि ‘माता एकवीरा नवसाला पावली’ या दोन भक्तीमय चित्रपटांची मेजवानी प्रेक्षकांसाठी आणली आहे.

श्रीमळगंगा देवीचे माहात्म्य सांगणारा ‘कुंडमाऊली मळगंगा’ हा चित्रपट घटस्थापनेच्या दिवशी म्हणजे शनिवार १७ ऑंक्टोबरला दुपारी १२.००वा व सायंकाळी ६.००वा पहाता येईल. गुप्तधन व देवीची लीला या विषयावर आधारित असलेल्या कौटुंबिक भक्तिपर चित्रपटात अलका कुबल यांनी देवीची भूमिका साकारली आहे. राहुल सोलापूरकर, प्रसाद ओक, राजश्री लांडगे, माया जाधव आदींच्या भूमिका आहेत.

महाराष्ट्रात देवींची साडेतीन शक्तिपीठे मानली जातात. त्यापैकी पार्वती, यमाई, रेणुकामातेचा अवतार म्हणजे एकवीरा देवी होय. आई एकवीरा देवी ही आदिशक्ती असून, नवसाला पावणारी देवी म्हणून एकवीरा देवीची ख्याती आहे. मोहन जोशी, क्रांती रेडकर, सुशांत शेलार, रमेश भाटकर या कलाकारांच्या भूमिका असलेल्या ‘माता एकवीरा नवसाला पावली’ या चित्रपटात एका कुटुंबाची अडचण देवीच्या कृपेने कशी दूर होते याची कहाणी सांगितली आहे. रविवार २५ ऑंक्टोबर दसऱ्याच्या मुहूर्तावर दुपारी १२.०० वा. व सायंकाळी ६.०० वा. या चित्रपटाचा आस्वाद घेता येईल.